Cakaj ‘spastron’ Ambasadën shqiptare në Athinë

00:11 | 28 Mars 2019
Trina Galanxhi

Report Tv mëson detaje të reja nga shkarkimet e ndërmarra nga Ministri i Jashtëm në Detyrë, Gent Cakaj.

Mësohet se është shkarkuar dhe Pranvera Skana, e cila mbante detyrën e këshilltares në Ambasadën e Londrës.
Gjithashtu është shkarkuar një zyrtar nga Ambasada Shqiptare në Stamboll.

Ministri në detyrë Cakaj ka transferuar dy diplomatë karriere, Florian Nova dhe Enkelejda Riza. Aktualisht në selinë shqiptare në Athinë ka ngelur vetëm ambasadorja Ardiana Hobdari.

Diplomatët janë thirrur për të shërbyer sipas nevojave në Ministrinë për Europën dhe Punët e Jashtme.

Lëvizjet janë bërë pas nismës së Cakajt për reformim në diplomaci. Ndaj ambasadës në Athinë u morën masa pas skandalit të humbjes së pasaportave të emigrantëve/shqiptarja.com